اللي حَـبـك .. قبل أحْـحْــبك !

[بنت ابوها واخت اخوها]

http://www.alfaris.net/up/60/alfaris_net_1279398331.gif


من زمااان .. و أنا نفسي ..



أسألك هذا السؤال :



اللي حَبك .. قبل أحبك !
حَسّْ مثلي بـ هالجمال ؟!
حَسّْ إن الدنيا روعه ,
و كل شي فيها .. خيال ؟!
حَسّْ قلبه .. مثل نجمه ..
وإن صدره ,
ممتلي بـ ضيّ النهار ..
وإنه مهو إنسان عادي !
و إنه أقرب للكمال ؟!
اللي حَبك
لما حَبك ..
صارت إيدينه مرافي ..
للصباحات النديَّه ؟!
وصار قلبه ..
للأغاني البِيض .. جال ؟!
سولفي لي :
كان يكتب لك قصايد ؟!
كان يرسم فـ الورق ,
قمره بـ جدايلها الطوال
وكان يقول لك : تشبهك ..
بس .. ناقصها يصير ..
فـ الخد .. خال ؟!
وش كان يقول عن ضحكتك ؟!
كان يحسّْ .. بـ إنها ..
أجمل موسيقى
وإن لها .. في نهايتها
ظلال ؟!
ولما كنتي تسولفين
كان مثلي
يجمع الورد ويغبّي .. بـ السّلال ؟!
كان دايم يذكر الله
لا مشيتي ,
وانتثر عِطر الخزامى !
فوق وجه الأرض .. سال ؟!
وشْـ يقول لما يشوفك ..
تشرحين اللِّيْن .. للغصن الطري
تعلّميْـنه :
ألف
.. باء
... تاء الدلال ؟!
كان يسولف للبنات
عنّك انتي ..
وعن هواك اللي خذاه
و ما ترك لانسانه غيرك
في نظر عينه مجال ؟!
اللي حَبّك .. قَبل أحبك !
عمره ما حَسّ بغرور ؟!
ولمّا كنتي تخطرين إنتي في باله
ما يحِسّْ بـ كُبْر حظه ,
كُونِك إنتي .. له وحْدِه !
له .. من بِدّ الرجال ؟!
اللي حَبّك .. قَبل أحبّك !
هو شافك ..
مثل ما أنا أشُوفك :
شي كبير ,
ونعمه تستاهل شكر !
حتى لا يجيها الزُّوال ؟!
مو مُهم تْجاوبيني ,
بسّْ نفسي أسألك ..
من زمان .. هذا السؤال !
اللي حَبك .. قبل أحبك !
هُو صحيح ..
إنّه بعد فرقاك .. حيّ !
ولا يزال ؟!!!!!!!!



لـ مسفر الدوسري
http://www.m-al7b.com/vb/images/smilies/dgwj1szh1.gif

[الدموع حبر العيون]

http://shabab11.com/vb/mwaextraedit4/extra/97.gif

[رذاذ الهموم]

http://fohadi.com/gif/data/media/4/e0f241d677e9de0cc1ee6e8b63082103.gif

[تيمور]

http://shabab11.com/vb/mwaextraedit4/extra/58.gif

[سكون الجرح]

http://fohadi.com/gif/data/media/4/259773286.gif

[اميره الاحساء]

http://shabab11.com/vb/mwaextraedit4/extra/106.gif

[بنت ابوها واخت اخوها]

http://www.shabab11.com/vb/uploaded/22_1284952417.gif

[البــــارون]

قصيده جميله تحمل في طيتها كلمات مميزه
يعطيك ربي العافيه على اقتنائك الجميل
ودي وتقديري